2012 оны 05 дугаар сарын 7,9-ний өдрүүдэд Хүний эрхийг хангах үндэсний хөтөлбөрийн хороо “Эмнэсти интернэшнл” “Хүний эрхийн үндэсний комисс”, “Цагдаагийн ерөнхий газар”-тай хамтран Хүний эрхийн сургагч багш бэлтгэх сургалтыг цагдаагийн сургалт, мэдээллийн төвд зохион байгууллаа.  

Хүний эрхийг хангах үндэсний хөтөлбөрийн Аймаг, нийслэлийн салбар хороодын нарийн бичгийн дарга нарын ээлжит сургалт, хэлэлцүүлэг 2012 оны 04 дүгээр сарын 26, 27-ны өдрүүдэд ХЗДХЯ-ны 102 тоот танхимд зохион байгуулагдлаа. Уг сургалт, хэлэлцүүлгээр салбар хорооны ажил тайлагнах журам болон дүгнэх үзүүлэлтийг шинэчлэх. Анхан шатны салбар хорооны ажлын зохион байгуулалт, аргачлалын төслүүдийг хэлэлцүүлж, хөтөлбөрт сургалтууд зохион байгуулаглаа. Хүний эрхийг хангах үндэсний хөтөлбөрийг хэрэгжүүлэх чиглэлээр 2011 онд хийсэн ажлын үр дүнгээр Нийслэл, Төв аймаг, Өмнөговь аймгийн салбар хороог тус тус шалгаруулж Хорооны өргөмжлөл, мөнгөн шагналаар шагнав. 

Хүний эрхийг хангах үндэсний хөтөлбөрийн Яам, агентлагийн салбар хороодын нарийн бичгийн дарга нарын ээлжит сургалт, хэлэлцүүлэг 2012 оны 04 дүгээр сарын 20-ны өдөр зохион байгуулагдлаа. Хүний эрхийг хангах үндэсний хөтөлбөрийг хэрэгжүүлэх чиглэлээр 2011 онд хийсэн ажлын үр дүнгээр Эрүүл мэндийн яам, Газрын тосны газрын салбар хороог тус тус шалгаруулж Хорооны өргөмжлөл, мөнгөн шагналаар шагнав. 

ХЗДХЯ, НХХЯ, НҮБ-ын Хөгжлийн Хөтөлбөрийн Эрх зүйн чадавхийг нэмэгдүүлэх замаар ядуурлыг бууруулах нь Төслөөс хамтран зохион байгуулж буй “Гэр бүл ба Хөдөлмөр” сарын аяны хүрээнд хөдөлмөрлөх, аж ахуй эрхлэхтэй холбогдон үүсч буй зөрчил, саад бэрхшээл, хууль, эрх зүйн зохицуулалтын асуудлаар иргэдээс мэдээлэл хүлээн авч байна.  

Иргэдээс мэдээлэл авч байгаа процесс нь хууль тогтоомж, эрх зүйн зохицуулалтыг боловсронгуй болгоход ихээхэн ач холбогдолтойгоос гадна, иргэдийн эрх зүйн чадавхийг нэмэгдүүлэх явцад тэднийг бодит байдлаар оролцуулж байгаагаараа онцлогтой юм.

Мэдээллийг тусгай хуудсаар аймаг, Нийслэл, сум, дүүргийн ЗДТГ-ын дэргэдэх Эрх зүйн туслалцааны төвөөр дамжуулан хүлээн авах буюу цахим хэлбэрээр This email address is being protected from spam bots, you need Javascript enabled to view it хаягаар ирүүлэх боломжтой.

Мэдээллийн тусгай хуудсыг өөрийн харьяа нутаг дэвсгэрийн Эрх зүйн туслалцааны төвөөс авна уу. Дэлгэрэнгүй мэдээллийг 261743 утсаар лавлана уу.